  |   |
Fyrst - litt generelt om våre idear om ein app for å formidle korte utdrag (stubbar) av munnleg historie:
Vi er i ferd med å bygga opp omfattande verksemder rundt munnleg historie (oral history) i Noreg, på tre hovudarenaer: Frivillig sektor, museumssektoren og akademia/forskingssektoren.
Verksemdene er
- innsamling av lange interrvjuopptak (1 -3 timar per opptak, 1 - 12 timar per person),
- dokumentasjon av opptaka,
- arkivering/avlevering til off. arkiv og
- formidling. "Fotspor-ideen" om korte, stadbundne utdrag i mobilapplikasjon høyrer til siste ledd, formidling.
Formidling:
Vi utviklar tre hovudformat på formidling:
- Arkiv: Tilgjengeleggjering av heile intervju (1-12 timar) i tematiske samlingar, som f.,eks. www.memoar.no/sjoefart eller www.memoar.no/bergen. Formidling gjennom nettsider.
- Artikkel: Tilgjengeleggjering av mellomlange utdrag (1 - 6 min) i fokuserte utdragssamlingar - sj f.eks. www.memoar.no/bergen/eksplosjonen. Formidling gjennom nettsider og/eller publikuimsarrangement
- Stubb: Korte, stadbundne utdrag på 30- 120 sekund gjennom ein mobil applikasjon som utløyser stubbane når ein er på staden for forteljinga.
Tanken med stubbformatet er 1) at det skal skapa interesse for dei større formata som finst på nett, b) at dei skal utvida opplevinga av dei andre formata gjennom å fortelja brukaren at "her var det det hende". (altså det skal ha ein verdi bøde FØR ein ser større format, ETTER at ein har sett større format - og utan at ein ser større format i det heile tatt.)
Ein stubb før innehalda
- Utdrag av ei munnleg forteljing som lydfil på 30-120 sek
- Eit bilete eller ein kort tekst som utdjupar eller forklarar kontekst til det munnlege stubben.
- Link til artikkel-sida med flerie og lengre videoforteljingar om same forteljing.
Dersom brukaren får lyst til å høyra meir, kan ho/han med andre ord finna seg ein benk i nærleiken og så opna artikkelsida med lengre videoutdrag frå fleire forteljarar. Viss det tek til å regna, kan ho gå heim og sjå vidare der.
Dei fleste spørsmåla etter dette er alt besvart. Vi har inga tru på skodespelarar i denne samanhengen - heile ideen er å dyrka og tilgjengeleggjera den munnlege kulturarven, altså "ekte" forteljingar frå "ekte" folk.
Målgruppene er kven som helst som synest det er interessant å høyra fortyeljingar om lokal historie - typisk lokale innbyggarar på søndagstur. Turistar og tilreisande vil også vere ei interessant målgruppe.
Utviklingsplan:
Det hadde sjølvsagt vore fint å starte med ei brukarundersøking - men det kan ikkje lagast brukarundersøkingar om noko som ikkje finst. Vi arbeider derfor med eit pilotprosjekt for å lage stubbar saman med historielag i Bergen, gjera dei tilgjengelege for så å sjå om dei fungerar - gjerne i form av ei brukarundersøking der metoden ikkje primært er spørsmål men observasjon. Piloten kan fylgjast på www.stubb.no
Vi er interesserte i samrbeid med partnar som kan:
- Tilby samarbeid om ugtvikling av - evt. kloning av/plass i ein ferdig utvikla app som kan formidle korte, geolokaliserte lydfilar, bilde og korte tekstar. Innhaldet i nåverande pilot (stubb.no) vil vere ca opp til 10 vandringsruter i ulike bydelar Bergen. Kvar av rutene med 5 - 15 postar med innhald som skildra over. Inntektssida vil truleg vere innhaldsproduksjon på ein kombinasjon av frivillig arbeid og abm-sektor, kultur- og sponsormidler. Vi trur også at det kan utviklast kommersielle inntekter.
- Dersom dette eksperimentet i Bergen blir vellukka, ynskjer vi å vidareutvikla stubb-formatet til heile landet. Det vil framleis då vera munnleg historie / munnleg kulturarv som er profilen. Også i hovudprosjektet vil samarbeid med frivillig sektor og ABM-sektoren vere fundamentet. Inntektssida vil elles vere ei blanding av "kulturpengar" i form av bidrag frå dei som har formidlingsbehov, og kommersielle inntekter.