Alvoret i Koronapandemien gjekk opp for både oss og samarbeidspartnarane i løpet av veke 11. Kurs og opptakstrening i Åseral vart avlyst, det same vart ei opptaksøkt og eit loggarkurs på Askrova utanfor Flora.  Frå veka etterpå gjekk heile staben over til heimekontor for å slutta opp om tilrådingane frå helsevesenet. Det gjekk kraftig ut over framdrifta - sjølv om det også gav høve til å få unna ein del etterarbeid som hadde hopa seg opp.