Avtale om opptak og arkivering
Dokumentasjon av informert samtykke
Alle som oppheld seg i Noreg har sin fulle ytringsfridom. Dei kan uttrykke meiningar og oppfatningar i tale, tekst eller på andre måtar - berre avgrensa av omsyn til andre sin tryggleik eller ære eller privatliv.
Men for Memoar og andre som skal arkivere og formidle andre sine ytringar, er det heilt nødvendig å kunne dokumentere (bevise) at dei munnlege ytringane som finst i vårt arkiv og på våre nettsider, er laga med informert samtykke frå dei som har blitt intervjua. Viss ikkje vi kan dokumentere det, får vi heller ikkje levert ytringane vidare til langtidsarkivering.
Derfor lagar vi alltid skriftlege avtalar om opptak og arkivering av intervjuopptak.
Det skal vere trygt å bli intervjua av Memoar. Derfor har vi laga ein avtalemal som også seier at det berre er den som blir intervjua som kan bestemm om heile eller delar av intervjuet kan leggast ut på nettsida.
Alt dette ligg i "Avtale om opptak og arkivering". Som ei dobbeltsikrig av at avtalen blir etterlevd, har vi ein rutine for å sikre dokumentasjon også av at passordet kan fjernast når alt arbeidet er ferdig. Av praktiske grunnar kan det gjerast enklare enn ein signert avtale (epost, SMS el.l) - sjølv om det beste er ein signert avtale også på denne. Du kan opne, lese, kopiere og skrive ut desse avtalemalane nedanfor her:
Avtale om opptak og arkivering - nynorsk
Skriv ut - fyll ut - skann og send inn:
SamtykkeNynorsk-MEMOAR 2024.pdfAvtale om opptak og arkivering - bokmål
Skriv ut - fyll ut - skann og send inn:
SamtykkeBokmaal-MEMOAR 2024.pdfSamtykke til fjerning av passord:
Det er berre forteljaren - ho eller han som har blitt intervjua - som kan bestemme om passordet kan fjernast slik at interesserte kan får sjå det.
Samtykke til fjerning av passord kan dokumenterast med eit signert dokument, ELLER ein identifiserbar epost, SMS eller liknande.
SamtykkeNynorsk-MEMOAR 2024.pdfDu bestemmer
Avtalen oom opptak og arkivering gjer at intervjuet med deg kan bli langtidsbevart som eit munnleg kulturminne.
Etter at alt er ferdig, ber vi om ei skriftleg stadfesting frå deg om at passordet på intervjuopptaket kan fjernast. Dermed kan andre interesserte sjå og høyre dine ytringar.
Som forteljar gir du aldri frå deg all makt. Avtalane seier at du når som helst kan endre meining. Du kan be om nytt passord, eller at alt kan bli fjerna frå nett - til og med at det kan bli fjerna frå arkivet.
Har du vore på kurs og vil logge, trykk her.