Memoar støtter det ukrainske folket

Memoar - norsk organisasjon for munnleg historie - stiller seg side om side med det ukrainske folket og alle andre som støttar dei.  

Brått viste det seg at vi har levd i ei førkrigstid. 24. februar gjekk den mektigaste militærmakta i Europa til angrep på Ukraina. Den russiske statsleiinga gjorde seg skuldig i uprovosert krig, bombing av sivile mål, okkupasjon og krigsbrotsverk verre enn nokon har sett make til i vår verdsdel sidan 1945. Dette er eit vendepunkt i verdhistoria. I dag veit ingen om det blir verre, eller om det ukrainske folket og forsvaret klarar å stå imot og stoppe den marsjen som Vladimir Putin har starta på. I dag står ukrainske soldatar og deira familiar andlet til andlet mot barbariet og løgnene. Vi skuldar dei all den støtte og hjelp dei kan trenga. Ingen veit kor dette vil føre om ikkje dei klarar å stå imot. 

I tider som desse er det uvanleg viktig å ta vare på tidsvitneforteljingane frå dag til dag. Munnleg historie er ein del av demokratiet  og eit viktig bidrag til at folk i framtida kan kjenne igjen tendensane før det igjen er for seint, og vinne tiltru til kreftene som eit samla folk har nå dei forsvarar seg mot urett!