No er store delar av det frivillige organisasjonslivet i Bergen med, representert gjennom paraplyorganisasjonane Bergen Internasjonale Kultursenter, Amatørkulturrådet og Samarbeidsrådet for tros- og livssynssamfunn. ABM-institusjonane Bergen offentlige Bibliotek, Bymuseet og Vestnorsk Utvandringssenter er med. Ein spanande fortropp av kunstlivet er inspirert; Bergen Borgerscene. Vi har allereie eit program med munnleg historie på Det vestnorske teateret. 

Målgruppa for kurs og redaksjonar er stor. Ein ung redaksjon på Bergen internasjonale kultur- senter startar i haust 2022. Dei får jobben med å intervjue ein knippe migrantar: arbeidsmigrant, flyktning, kjærlighetsmigrant og innenlandsflytter på oppdrag frå Vestnorsk utvandringssenter. Kanskje får vi ein podcast frå denne redaksjonen òg? Det store vi skal hjelpe funksjonshemma å komme til orde. Her står trygge intervju sentralt.

Teknologien gjer oss til den første generasjonen som kan ta vare på opptak av munnleg historie frå eige liv i stort omfang. Mange meistrar å ta opp eit intervju med kamera eller telefonen og sende det til arkivering. Memoar vil halde kurs og ta opptak av arrangement. Folkeverkstad for munnleg historie vil åpne i vårt studio på Bryggen. Der vil vi låne ut videokamera og mikrofoner. Samarbeidet med Bergen offentlige Bibliotek har vore avgjerande for utviklinga av Memoar og arbeidet med munnleg historie i Bergen. Studio 1 og lokalhistorisk-avdeling Vårt Vestland er heilt sentral. Vi vil fornye og utvide innhaldet i vår felles lokalhistorie.